Niadaŭna papularny amierykanski akcior Ryčard Hir z dapamohaj Facebook vyrašyŭ daviedacca, što jaho prychilniki dumajuć nakont sikvieła «Krasuni».
toovia.com
U publikacyi akcior adznačyŭ, što ŭ jahonym atačeńni chodziać dumki pra praciah ramantyčnaj kamiedyi, jakaja amal 26 hadoŭ tamu stała chitom. Adnak, pa słovach Hira, u śpiecyjalistaŭ niama dakładnaj upeŭnienaści ŭ nieabchodnaści pracy nad sikviełam, tamu jon vyrašyŭ źviarnucca da prychilnikaŭ. «Kali hety zapis nabiare miljon łajkaŭ, my prymiem heta pad uvahu», — skončyŭ svoj zvarot akcior.
Pad publikacyjaj Ryčard Hir raźmiaściŭ sumiesny zdymak z Džulijaj Robierts, zrobleny padčas udziełu akcioraŭ u prajekcie Today Show, pryśviečanaha 25-hodździu filma.
Varta adznačyć, što za pieršyja 14 hadzin publikacyja Ryčarda Hira nabrała 1,1 młn łajkaŭ i 70 tysiač repostaŭ. Takim čynam, zrazumieła, što prychilniki akciora zhodnyja pahladzieć praciah historyi kachańnia miljaniera i dziaŭčyny lohkich pavodzinaŭ.
Nahadajem, «Krasunia» — film Hary Maršała, jaki vyjšaŭ na ekrany ŭ 1990 hodzie. Hałoŭnyja roli ŭ karcinie vykanali Džulija Robierts i Ryčard Hir. Za ŭdzieł u stužcy ŭ 1991 hodzie Džulija Robierts atrymała «Załaty hłobus» u naminacyi «Najlepšaja žanočaja rola».
