Akciory, jakija prasłavilisia dziakujučy vykanańniu hałoŭnych rolaŭ u amierykanskim sieryjale «Siabry», źbiarucca razam dla zdymak novaha epizodu, paviedamiŭ telekanał NBC u tvitary. Viadoma, što śpiecyjalny karotkamietražny vypusk vyjdzie ŭ efir telekanała ŭ lutym.
bugscore.com
Telekanał aficyjna paćvierdziŭ udzieł u zdymkach šaściarych akcioraŭ, jakija vykonvali ŭ sieryjale hałoŭnyja roli. Takim čynam, Kortni Koks, Dženifier Enistan, Liza Kudroŭ, Mećju Pery, Met Lebłan i Devid Švimier źbiarucca razam na zdymačnaj placoŭcy praz 12 hadoŭ paśla vychadu apošniaj sieryi.
Viadoma, što ŭsie jany ŭžo dali aficyjnuju zhodu na ŭdzieł u zdymkach. Praŭda, u paviedamleńni telekanała havorycca pra toje, što akciory mohuć źjaŭlacca ŭ kadry nie razam, a pa čarzie. Imavierna, heta źviazana sa ščylnymi pracoŭnymi hrafikami zorak.
Sieryjał «Siabry» vychodziŭ u efir z 1994 pa 2004 hady. Za hety čas było źniata 236 sieryj. Stužka karystałasia vialikaj papularnaściu nie tolki ŭ Amierycy, ale i pa ŭsim śviecie. Sieryjał nieadnarazova stanaviŭsia łaŭreatam prestyžnych kinapremij.
