Sioleta ŭ žury premii «Debiut» uvajšli:
Pavał Bierahovič — staršynia fondu «Viartańnie», fundatar premii;
Uładź Lankievič — paet, pierakładčyk, muzyka, łaŭreat premii «Debiut» u 2013 hodzie;
Viktar Marcinovič — piśmieńnik, mastactvaznaŭca, łaŭreat premii «Debiut» u 2011 hodzie;
Julija Macuk — zahadčyca kulturna-adukacyjnaha adździeła Litaraturnaha muzieja Maksima Bahdanoviča;
Anton Rudak — paet, finalist premii «Debiut» u 2014 hodzie;
Vital Ryžkoŭ — paet, pierakładčyk, łaŭreat premii «Debiut» u 2010 hodzie;
Natałka Charytaniuk — prazaik, eseistka, łaŭreatka premii «Debiut» u 2010 hodzie.
Pieramožcy premii ŭ kožnaj z naminacyjaŭ atrymajuć ček ad Fondu «Viartańnie» na sumu, ekvivalentnuju $2000 pavodle kursu Nacbanka RB.
Aŭtary, čyje knihi zojmuć druhoje i treciaje miescy ŭ svaich naminacyjach, atrymajuć uznaharody, ekvivalentnyja $500 pavodle kursu Nacbanka RB.
Dla ŭdziełu ŭ konkursie treba da 31 studzienia 2016 hoda zapoŭnić formu na sajcie.
Taksama zajaŭku možna nakiravać na elektronnuju skryniu ci na paštovy adras: 220005, Minsk, vuł. Załataja Horka, 2-101. Da zajaŭki treba dałučyć elektronnuju viersiju knihi, a taksama pieradać na ofis Biełaruskaha PEN-centra (Minsk, vuł. Załataja Horka, 2-101) 2 asobniki knihi.
«Debiut» byŭ zasnavany ŭ 2010 hodzie Sajuzam biełaruskich piśmieńnikaŭ, Biełaruskim PEN-centram i fondam «Viartańnie».
Premija prysudžajecca štohod za najlepšuju debiutnuju papiarovuju ci elektronnuju knihu, napisanuju na biełaruskaj movie ci pierakładzienuju na jaje, aŭtaru abo pierakładčyku va ŭzroście da 35 hadoŭ na momant vydańnia knihi. «Debiut» ušanoŭvaje maładych aŭtaraŭ, što pišuć u žanrach, u jakich pracavaŭ Maksim Bahdanovič, i ŭručajecca ŭ naminacyjach «Proza», «Paezija», «Mastacki pierakład».
