Rasijski madeljer Kaciaryna Dabrakova paskardziłasia na toje, što z-za prablem z pastaŭkami tureckaj tkaniny jana nie moža pačać vypusk adzieńnia z antytureckaj tematykaj. U kamientary RSN jana paviedamiła, što fury z tkaninaj nie prapuskajuć praź miažu (praz tureckuju abo rasijskuju, jana nie ŭdakładniła).
Dyzajnier Alaksandr Konasaŭ, jaki taksama płanuje vypusk futbołak z antytureckaj tematykaj, paćvierdziŭ, što Turcyja źjaŭlajecca manapalistam na rynku tkaniny ŭ Rasii. Jon zapeŭniŭ, što adzieńnie z antytureckimi pryntami budzie rabicca z rasijskaj tkaniny.
«U nas buduć niekalki pryntaŭ i z pamidorami, i z nadpisami «nie jedu», i tamu padobnaje», — raspavioŭ Konasaŭ. Jon paabiacaŭ pačać prodažy futbołak 15 śniežnia, ale ŭžo ciapier na sajcie dyzajniera možna znajści prynty «Nie patrebien nam bierah turecki, zaraz z nami Krym i śniežnyja Sočy. Lubimaja naša, rodnaja kraina!» I «Biažy, turak, biažy» (na apošniaj adlustravany prezident Turcyi Redžep Erdahan, jaki ŭciakaje ad miadźviedzia).
