Pretendent na pasadu prezidenta ZŠA Donald Tramp prapanavaŭ zakryć internet. Takuju zajavu jon zrabiŭ, vystupajučy na ahitacyjnaj sustrečy pierad vybarščykami ŭ Paŭdniovaj Karalinie, pieradaje NBC News.
Reuters
Na dumku palityka, takaja miera dapamoža ŭ baraćbie z ekstremistami, jakija viarbujuć amierykanskich hramadzian u terarystyčnyja arhanizacyi. Jon zajaviŭ: «My hublajem mnohich praź internet». Tramp ličyć, što dla zakryćcia internetu treba pahavaryć ź Biłam Hiejtsam i inšymi ludźmi, «jakija pa-sapraŭdnamu raźbirajucca ŭ tym, što adbyvajecca».
Donald Tramp pry hetym adznačyŭ, što chto-niebudź abaviazkova skaža, byccam jaho prapanova parušaje prava na svabodu słova. Adnak palityk adrazu adkazaŭ na padobnuju krytyku: «Heta durnyja ludzi».
Raniej Bieły dom zaklikaŭ respublikancaŭ, jakija padtrymlivajuć kandydaturu Donalda Trampa, nie vyłučać jaho ŭ jakaści kandydata na budučych prezidenckich vybarach i nieadkładna vyklučyć z partyi. Padstavaj pasłužyli vykazvańni palityka pra toje, što musulmanam nieabchodna zabaranić ujezd u ZŠA.
Miljarder Donald Tramp źjaŭlajecca kiraŭnikom najbujniejšaj budaŭničaj kampanii ŭ ZŠA, a taksama ŭładalnikam suśvietnaj sietki hatelaŭ i kazino. Na siońnia Tramp — favaryt prezidenckaj honki z boku respublikancaŭ.