Hazapravod Nord Stream 2 («Paŭnočny patok—2») stavić pad pahrozu enierhietyčnuju biaśpieku ŭsioj Jeŭropy, śćviardžaje prezident Litvy.
Pa słovach Dali Hrybaŭskajcie, budavany «Hazpromam» hazapravod budzie parušać pryncypy enierhietyčnaha aljansu ES, pavialičyć zaležnaść ES ad rasijskaha hazu i zrobić niemahčymym tranzit hazu praz Ukrainu.
«Heta stavić pad pahrozu enierhietyčnuju biaśpieku nie tolki Ukrainy, ale i ŭsioj Jeŭropy», — pryvodzić prezidenckaja pres-słužba słovy Hrybaŭskajcie, jakaja ŭ aŭtorak sustrełasia ŭ Šaŭli z prezidentam Vienhryi Janašam Adaram.
Jak havorycca ŭ paviedamleńni, suprać namieraŭ prakłaści Nord Stream 2 vykazvajecca i Vienhryja. «Hazprom» ź piaćciu jeŭrapiejskimi kampanijami ŭ vieraśni padpisaŭ pahadnieńnie ab stvareńni sumiesnaha pradpryjemstva New European Pipeline, jakoje zojmiecca realizacyjaj prajekta raźvićcia hazapravoda Nord Stream koštam 10 młrd jeŭra.
U Kłajpiedskim porcie z hetaha hoda dziejničaje terminał zvadkavanaha pryrodnaha hazu, jakomu pastaŭlaje haz narviežskaja kampanija Statoil. Čakajecca, što kali ŭ nastupnym hodzie ZŠA pačnuć ekspartavać haz, pieršy kamiercyjny hruz budzie dastaŭleny mienavita ŭ Litvu. Kiraŭnik kampanii Klaipedos nafta Mantas Bartuška niekatory čas tamu skazaŭ, što Nord Stream 2 naŭprost na Litvie nie adabjecca, adnak jon vyklikaje niepakoj u Polščy, jakoj, mahčyma, pryjdziecca płacić za haz daražej.
