U Salihorsku z aŭtamabila-mukavoza rassypałasia muka, paviedamlaje Minskaje abłasnoje ŭpraŭleńnie Ministerstva pa nadzvyčajnych situacyjach.
sputnik.by
«8 śniežnia ŭ 14 hadzin 30 chvilin na terytoryi Salihorskaha filijała AAT «Barysaŭski kambinat chlebapraduktaŭ» adbyŭsia rossyp muki, — havorycca ŭ paviedamleńni MNS. — U chodzie vyśviatleńnia akaličnaściaŭ stała viadoma, što pry razhruzcy muki z aŭtamabila-mukavoza, u jakim znachodziłasia 14 ton muki, sarvała luk. Pakolki razhruzka muki rabiłasia pad ciskam, adbyŭsia vykid kala 200 kh muki na terytoryju chlebazavoda, sumiežny ź joju ŭčastak prajeznaj častki i aŭtastajanki».
Pavodle infarmacyi MNS, paciarpiełych niama. Transpartnyja srodki, jakija znachodzilisia na aŭtastajancy, nie paciarpieli. Technałahičny praces nie parušany.
naviny.by
