Prezident Azierbajdžana Ilcham Alijeŭ padpisaŭ Ukaz ab prymianieńni źmianieńniaŭ u Kryminalny kodeks i Kodeks ab administracyjnych pravaparušeńniach, jakija praduhledžvajuć zabaronu na prodaž za najaŭnyja hrošy śpirtnych napojaŭ, a taksama aptovy prodaž tytuniovych vyrabaŭ. Pra heta paviedamlaje Trend.
Pavodle papravak, za prodaž za najaŭnyja padakcyznych tavaraŭ (za vyklučeńniem roźničnaha prodažu tytuniovych vyrabaŭ) ŭ małoj kolkaści (da 50 manataŭ; 1 manat = $0.95), a taksama za nabyćcio takich tavaraŭ u małoj kolkaści z metaj ich dalejšaha prodažu budzie prymianiacca štraf u pamiery 100 manataŭ.
Pry koštu pakupki ad 50 manataŭ da 1 tysiačy manataŭ buduć užytyja štrafnyja sankcyi ŭ pamiery ad 1 da 2 tysiač manataŭ, abo pakarańnie ŭ vyhladzie papraŭčych rabot na termin da adnaho hoda, abo pazbaŭleńnie voli terminam na adzin hod. Pry pieravyšeńni sumy zvyš za 1 tysiaču manataŭ praduhledžvajecca pakarańnie ŭ vyhladzie papraŭčych rabot da dvuch hadoŭ abo pazbaŭleńnie voli terminam da dvuch hadoŭ.
Pry hetym papraŭki dapuskajuć najaŭnymi razdrobny prodaž cyharet u małych kolkaściach, to bok tolki dla asabistaha karystańnia. Kali cyharety nabyvajucca z metaj nastupnaj realizacyi, to ich košt pavinien apłačvacca tolki praz bank abo pry dapamozie płaciežnych kart. U advarotnym vypadku budzie prymianiacca štraf u pamiery 100 manataŭ.
