Apazicyja maje zdabyć bolšaść hałasoŭ u nacyjanalnaj asamblei Vieniesueły pa vynikach vybaraŭ, jakija projduć na vychodnych, piša The Guardian.
Supierniki kirujučaj partyi, pavodle apytańniaŭ, pretendujuć na pieramohu ŭ bolšaści akruhaŭ ź pieravahaj u 25—30%, niahledziačy na vykarystańnie ŭładami administracyjnaha resursu, niadopusk apazicyi da dziaržaŭnych ŚMI i hvałt.
Papiarednija vybary adbylisia ŭ 2010 hodzie jašče pry žyćci Uha Čavesa. Kirujučuju Adzinuju sacyjalistyčnuju partyju Vieniesueły ŭznačalvaje prezident Nikałas Madura.
Padzieńnie papularnaści kirujučaj partyi źviazana ź ciažkim ekanamičnym kryzisam, jaki pieražyvaje kraina. U vieraśni prezident Nikałas Madura pravodziŭ sustreču z Uładzimiram Pucinym, lidery dźviuch krain abmiarkoŭvali mahčymyja miery dla stabilizacyi suśvietnych koštaŭ na naftu.
Ułady krainy stvarajuć šmatlikija pieraškody dla apazicyi, u pryvatnaści, adnamu z palityčnych lidaraŭ krainy Maryi Karynie Mačado zabaranili zajmać dziaržaŭnyja pasady. Papularny palityk Leapolda Łopies adpraŭleny ŭ turmu na 13 hadoŭ. Mer Karakasa Antonia Ledesma znachodzicca pad chatnim aryštam pa abvinavačvańni ŭ zmovie.