Arhanizacyja krain-eksparcioraŭ nafty (APIEK) na svaim pasiadžeńni pryniała rašeńnie pavysić kvoty na zdabyču nafty na paŭtara miljona barelaŭ, da 31,5 miljona barelaŭ u sutki. Pra heta paviedamlaje ahienctva Bloomberg. U pavialičany limit nie ŭklučanaja zdabyča Indaniezii.
Na fonie hetaha rašeńnia cana na naftu abvaliłasia na łondanskaj syravinnaj biržy LSE amal na paŭtara dalara na praciahu niekalkich chvilin. Da 17:00 marka Brent tarhavałasia na ŭzroŭni ledź vyšej za 43 dalary za barel.
U papiaredni raz, kali pradstaŭniki krain-eksparcioraŭ źbiralisia ŭ červieni, kvota ŭ 30 młn barelaŭ była pakinutaja bieź źmienaŭ.
Rašeńnie było pryniata, niahledziačy na nizkija ceny na naftu, jakija ŭtrymlivalisia ŭ apošnija niekalki miesiacaŭ. Za mienš čym paŭtara hoda ceny apuścilisia bolš čym na 60%.
Pry hetym varta adznačyć, što faktyčnaja zdabyča APIEK istotna pieravyšała vyznačany abjom kvot. Tak, u minułym miesiacy krainy arhanizacyi zdabyvali 31,75 młn bočak u sutki, što navat bolš za novy aficyjny pakazčyk.