Ministr abarony ZŠA Eštan Karter abviaściŭ ab adpraŭcy ŭ Irak padraździaleńnia amierykanskaha śpiecnaza dla apieracyj suprać bajevikoŭ hrupoŭki «Isłamskaja dziaržava» na terytoryi Siryi.
«Amierykanski śpiecnaz niasie z saboj unikalny nabor mahčymaściaŭ, jakija pamnažajuć siły voinskich padraździaleńniaŭ», — zajaviŭ Karter, vystupajučy ŭ sienackim kamitecie pa ŭzbrojenych siłach.
Pa słovach kiraŭnika Pientahona, zadačy hetaha padraździaleńnia buduć uklučać praviadzieńnie rejdaŭ, apieracyj pa vyzvaleńni zakładnikaŭ i zachop lidaraŭ ID. «My hatovyja pašyryć našy dziejańni tam, dzie my zmožam vykarystoŭvać hetyja mahčymaści», — dadaŭ jon.
U kastryčniku Pientahon abviaściŭ ab adpraŭcy 50 amierykanskich śpiecnazaŭcaŭ u paŭnočnuju Siryju ŭ jakaści vajennych daradcaŭ dla kurdskaha apałčeńnia i atradaŭ siryjskaj apazicyi.