Historyja pačałasia z taho, što vałanciory ŭkrainskaha «Narodnaha prajekta» zrabili matyvavalnaje videa, pryśviečanaje VPS Turcyi, adrazu paśla taho, jak turecki źniščalnik F-16 źbiŭ rasijski Su-24. Videa nazyvajecca «VPS Turcyi ŭ pracy» i ŭschvalaje tureckich piłotaŭ, a ŭ kancy jaho źjaŭlajecca nadpis «Słava tureckim VPS. Śmierć voraham».
Hetaje videa vielmi chutka stała papularnym u siecivie, za niekalki dzion nabraŭšy amal 400 000 prahladaŭ, a ŭkrainskija i tureckija karystalniki pačali masava bratacca ŭ kamientarach.
U adkaz tureckaja kampanija Haci Productions, jakaja śpiecyjalizujecca na stvareńni matyvavalnych videa pra armiju Turcyi, stvaryła videarolik pra ŭkrainskuju armiju. «Asablivaja padziaka za videa pra tureckija VPS, zroblenaje našymi ŭkrainskimi siabrami», — havorycca ŭ apisańni da videa. Takim čynam turki adździačyli ukraincam.
A matyvavalnyja videa pra biełaruskuju armiju možna pahladzieć tut i tut.
