Jakuju piensiju atrymlivajuć biełaruskija čynoŭniki?
«Pakolki ja jašče pracuju, to atrymlivaju ahulnahramadzianskuju piensiju, — kaža staršynia CVK Lidzija Jarmošyna. — Jaje pamier ciapier 3,2 miljona rubloŭ, naturalna, jon budzie inšy (pry zaviaršeńni pracoŭnaj dziejnaści. - NN.by), ale ja nie viedaju jaki. Kali ŭ mianie źjavicca na heta prava, ja źviarnusia i mnie paličać. U mianie piensija budzie 65% ad akładu. Ale ŭ lubym vypadku ja daŭno zarabiła piensiju dziaržaŭnaha słužačaha, jakaja bolš za zvyčajnuju, ale tolki kali dziaržaŭny słužačy nie pracuje.
Pa słovach Jarmošynaj, jaje zarpłata «brudnymi» składaje kala 20 miljonaŭ. «Na ruki ja atrymlivaju niedzie miljonaŭ 17», — raspaviała kiraŭnik CVK.
* * *
«U mianie piensija pa dziaržsłužbie — 8,5 miljona rubloŭ. Piensija dobraja, možna na hetyja hrošy pražyć piensijanieru. Užo nie treba šmat kaściumaŭ, abutku ci sumki mianiać, možna chadzić z tymi ž samymi, — pryznajecca eks-kiraŭnica Nacbanka Nadzieja Jermakova, — Ja adna, tamu dla mianie hetych hrošaj całkam dastatkova. Kali b treba było dapamahać dzieciam, to, viadoma, było b składaniej. Choć va ŭsich pa-roznamu. Da prykładu, majoj ciotcy 80 hadoŭ, jana atrymlivaje piensiju kala 3,2 miljona rubloŭ. Jana i siabie zabiaśpiečvaje, jašče dapamahaje i majoj siastry».
Eks-kiraŭnik Nacbanka nie chavaje, što ŭ jaje jość «zapamoha»: «Ja ŭ Biełźniešekanambanku źjaŭlajusia staršynioj naziralnaha savieta, maju dadatkovuju kapiejčynu».
Akramia taho, Nadzieja Jermakova ekanomić na harodninie, jakija vyroščvaje na svaim aharodzie: «Uviesnu ŭ mianie źjaviŭsia prysiadzibny ŭčastak u domie, jaki ŭ Minsku, ruž tam jašče niama, ale drevy ŭžo jość, i ahurki vyroščvała, i pamidorčyki ŭžo svaje navat zakatała. Ja z zadavalnieńniem pracuju na ziamli. Zamiest padarožžaŭ ja lepš budu pracavać na ziamli».
