Mierapryjemstvy da 75-hodździa z dnia naradžeńnia Uładzimira Mulavina projduć u Biełarusi na praciahu 2016 hoda. Ab hetym paviedamiŭ siońnia na pres-kanfierencyi mastacki kiraŭnik Biełaruskaj dziaržaŭnaj fiłarmonii Juryj Hildziuk.
Da 75-hodździa z dnia naradžeńnia viadomaha biełaruskaha muzykanta Ministerstvam kultury Biełarusi padrychtavany maštabny płan mierapryjemstvaŭ.
«Kancert u dzień naradžeńnia» 12 studzienia 2016 hoda adbudziecca na scenie Biełaruskaj dziaržaŭnaj fiłarmonii. Kancerty, pryśviečanyja pamiaci pieśniara, projduć na praciahu hoda na sceničnych placoŭkach u roznych haradach krainy. Płanujecca abnaŭleńnie ekspazicyi muzieja Uładzimira Mulavina, jaki dziejničaje ŭ Biełdziaržfiłarmonii. Muziej stanie dekaracyjaj dla teleprahramy «Pakul my pomnim».
Biełarusy zmohuć aznajomicca z fotavystavaj rabot Juryja Ivanova i Jaŭhiena Koktyša, zdymkami z asabistaha archiva, na asnovie jakich płanujecca vydać fotaalbom. Vyjaznaja vystaŭka ekspanataŭ muzieja Uładzimira Mulavina budzie pracavać na mižnarodnym fiestyvali mastactvaŭ «Słavianski bazar u Viciebsku». Akramia taho, płanujecca pieravydańnie knihi ŭ dapoŭnienym varyjancie «V.Mulavin. Nota sud́by».
Jak adznačyła pieršy namieśnik ministra kultury Iryna Dryha, zapłanavanyja mierapryjemstvy, jakija projduć na praciahu hoda, — heta nie tolki pamiać ab muzykancie, ale i ŭkład u spravu niezaležnaści, ab čym biełarus pa kryvi, biełarus pa sercy Uładzimir Mulavin havaryŭ usioj svajoj tvorčaściu.
