U Pałacy mastactvaŭ u Miensku adkryłasia vystava «Pahonia», pryśviečanaja 25-hodździu mastackaj supołki «Pahonia».
24 listapada dniom, kali ekspazycyja była całkam hatovaja, karciny raźviešanyja, patelefanavali ź Ministerstva kultury i zahadali źniać dźvie pracy Alaksieja Maračkina. Heta «Dvuboj, albo supraciŭ dźviuchhałovamu mutantu» i «Maci Božaja Niabiesnaj sotni».
«Dvuboj, albo supraciŭ dźviuchhałovamu mutantu»
Spadar Maračkin apavioŭ karespandentu Svabody, što karcinu «Maci Božaja Niabiesnaj sotni» ŭdałosia adstajać. Mastak spasłaŭsia na aficyjnuju pazycyju Biełarusi ŭ dačynieńni da Ŭkrainy. A voś «Dvuboj» daviałosia źniać, bo tady pad pahrozaj była sama vystava.
Alaksiej Maračkin — adzin z zasnavalnikaŭ «Pahoni» i nieadmienny arhanizatar vystaŭ tvorčaj supołki.
Taksama z vystavy źniali karcinu Alesia Puškina «Pamiaci biełarusaŭ, zahinułych za Ukrainu».
