Siońnia narodny deputat Uładzimir Parasiuk ŭdaryŭ nahoj u śpinu namieśnika kiraŭnika ŭpraŭleńnia «K» Słužby biaśpieki Ukrainy Vasila Pisnaha, paviedamlaje Esprieso.TV.
Incydent adbyŭsia padčas pasiadžeńnia Kamiteta pa pytańniach praduchileńnia i procidziejańnia karupcyi. Na kamitecie abmiarkoŭvalisia fakty, jakija śviedčać ab nieadpaviednaści majomaści čynoŭnika jaho dachodam.
«Ale ja zrabiŭ dla revalucyi značna bolš, čym vy», — skazaŭ Vasil Pisny na pasiadžeńni, zaklikajučy pytańnie jaho majomaści i dachodaŭ razhladać «pa zakonie».
Paśla hetaj frazy lehiendarny sotnik Majdana Uładzimir Parasiuk ustaŭ ź miesca, padbieh da Pisnaha i ŭdaryŭ jaho nahoj, patrapiŭšy ŭ plačo.
Parasiuk na pasiadžeńni kamiteta pierad incydentam nazyvaŭ Pisnaha karupcyjanieram i pryvodziŭ fakty ŭ paćvierdžańnie svaich słoŭ.
Vasil Pisny 1 žniŭnia zaniaŭ pasadu namieśnika kiraŭnika ŭpraŭleńnia «K» Słužby biaśpieki Ukrainy. Hety adździeł zajmajecca baraćboj z karupcyjaj u dziaržaŭnaj słužbie.
U studzieni Pisnaha sa skandałam zvolnili z MUS, dzie jon zajmaŭ pasadu načalnika departamienta dziaržaŭnaj słužby baraćby z ekanamičnaj złačynnaściu. U peŭnych kołach Pisny viadomy pa mianušcy «Antybijotyk».
