Ułady Turcyi paviedamlajuć pra aryšt vaśmi mierkavanych bajevikoŭ ekstremisckaj hrupoŭki «Isłamskaja dziaržava», jakija sprabavali trapić u Hiermaniju.
Paviedamlajecca, što jany byli aryštavanyja ŭ aeraporcie Stambuła paśla prybyćcia z Kasabłanki. Taksama viadoma, što ŭsie aryštavanyja — uradžency Maroka.
Pavodle dadzienych tureckich uładaŭ, aryštavanyja płanavali trapić u Hiermaniju praz bałkanskija krainy.
Turcyju nie raz krytykavali za pasiŭnaść u baraćbie z pahrozaj «Isłamskaj dziaržavy», adnak ciapier tureckija ŭłady aktyvizavali baraćbu z džychadzistami.
U aŭtorak dziaržsakratar ZŠA Džon Kiery abviaściŭ ab dasiahnieńni damoŭlenaści z Ankaroj ab udziele amierykanskich vajskoŭcaŭ u apieracyi, metaj jakoj stanie ŭstanaŭleńnie poŭnaha kantrolu nad miažoj Turcyi ź Siryjaj.
Pa słovach Kiery, havorka idzie ab učastku paŭnočnaj miažy Siryi praciahłaściu kala 100 kiłamietraŭ.