Prezident Alimpijskaha kamiteta Rasii (AKR) Alaksandr Žukaŭ abviaściŭ ab stvareńni časovaj struktury, jakaja budzie zajmacca pytańniami refarmavańnia Usierasijskaj fiederacyi lohkaj atletyki.
Pa słovach Žukava, časovy kamitet budzie kaardynavać adpaviednuju pracu i ŭzajemadziejničać pry hetym z Suśvietnym antydopinhavym ahienctvam (WADA) i Mižnarodnaj asacyjacyjaj lohkaatletyčnych fiederacyj (IAAF).
Dziejnaść novaj struktury budzie zasnavanaja na statucie AKR, jaki dazvalaje jamu ŭnosić prapanovy asobnym fiederacyjam. U kamitet uvojduć pradstaŭniki roznych fiederacyj, a taksama pradstaŭnik ministerstva sportu.
Uznačalić novuju strukturu kiraŭnik padraździaleńnia JUNIESKA pa baraćbie z dopinham Hienadź Alešyn. Pavodle jaho słoŭ, UFŁA ŭžo pahadziłasia z prapanovaj. Žukoŭ u svaju čarhu zaklikaŭ aściarožna stavicca da pretenzij, jakija vystaŭlajuć suprać rasiejskich lohkaatletaŭ.
Kamientujučy čutki ab mahčymym vystupie rasijskich spartsmienaŭ na Alimpijadzie ŭ Rya-de-Žaniejra pad alimpijskim ściaham, Žukaŭ zajaviŭ, što jany pavinny vystupać pad rasiejskim ściaham, i AKR budzie na hetym nastojvać.
Raniej u sieradu ministr sportu Vital Mutko zajaviŭ, što AKR voźmie pad kantrol pracu pa refarmavańni fiederacyi lohkaj atletyki i vyrašeńniu prablemy sa źniaćciem spartsmienaŭ ad Hulniaŭ-2016 u Rya.
Rašeńnie ab adchileńni ad alimpijady rasijskich spartsmienaŭ było pryniataje paśla taho, jak śpiecyjalnaja kamisija WADA abvinavaciła lohkaatletyčnuju fiederacyju krainy ŭ sistematyčnych parušeńniach antydopinhavych praviłaŭ.
