Siońnia Ministerstva ŭnutranych spraŭ paviedamiła pra złačynstva ŭ Žytkavičach. Futbolny fanat «Kalinkavič» u majcy z «Pahoniaj» žorstka, nahami, źbiŭ junaka-fanata «Žytkavič» sa słovami «skažy, što adpisvaješsia ad antyfašysckaha ruchu». Kaleha kalinkaŭca źniaŭ usio heta na videa, jakoje trapiła ŭ sieciva.
Pavodle milicyi, złačyncu pahražaje da troch hadoŭ źniavoleńnia.
Cikava, što ŭ svaim tvitar-akaŭncie MUS stavić pytańnie ŭ łob: «U kaho jašče jość pytańni, pry čym tut «Pahonia? Voś prykład, chto jaje apranaje, idučy na futboł».
Heta vyklikała krytyku internaŭtaŭ: nielha atajesamlać nacyjanalny simvał ź niehatyvam, jak nielha atajesamlać ź niehatyŭnymi źjavami i dziaržaŭnuju simvoliku.
U pres-słužbie MUS admovilisia adkazvać, chto viadzie tvitar-akaŭnt ministerstva.
