Ministerstva zamiežnych spraŭ Polščy źmienšyła sioletni nabor na prahramu Kalinoŭskaha. Na vučobu byli pryniatyja tolki 25 čałaviek. Takoje rašeńnie tłumačycca «źmianšeńniem represij u Biełarusi», adznačyŭ dyrektar prahramy, kiraŭnik Instytutu Uschodniaj Jeŭropy Varšaŭskaha ŭniviersitetu Jan Malicki.
«Heta nie likvidacyja prahramy, častkova hetyja miescy zabranyja z prahramy Kalinoŭskaha i pieradadzieny ŭ inšyja prahramy, u tym liku ŭ prahramu imia Banacha. Naprykład, častka navučencaŭ Kołasaŭskaha liceja, jakija zvyčajna išli da mianie, atrymali stypiendyi tam», — patłumačyŭ jon dla radyjo «Racyja».
Staršynia Kamitetu dapamohi represavanym «Salidarnaść» Ina Kulej dahetul nie atrymała aficyjnych tłumačeńniaŭ nakont skarotu.
Ina Kulej.
Akramia taho, 19 z 25 sioletnich stypiendystaŭ prahramy Kalinoŭskaha nieviadomyja biełaruskim pravaabaroncam, jakija raniej zajmalisia adboram na prahramu.
«Mienavita polskaja ekzamienacyjnaja kamisija prymaje kančatkovaje rašeńnie, kaho pryniać na vučobu», — kaža dyrektar prahramy Jan Malicki.
Klučavoje rašeńnie, jakoje biarecca pad uvahu, — heta vyniki ekzamienaŭ.
