Biełaruskaje radyjo 15 listapada adznačyć 90-hadovy jubilej, paviedamlaje pres-słužba Biełteleradyjokampanii.
«Ciapier užo takija pryvyčnyja słovy «Havoryć Minsk» upieršyniu prahučali ŭ 1925 hodzie. Siońnia ž Biełaruskaje radyjo — bujny i važny miedyjaresurs krainy, što ŭklučaje kanały, asnaščanyja pa apošnim słovie techniki, jakija słuchajuć va ŭsim śviecie. Być zaŭsiody cikavym dla svaich słuchačoŭ, razam abmiarkoŭvać aktualnyja i złabadzionnyja pytańni — usio heta adlustravana ŭ devizie Biełaruskaha radyjo «Budziem razam!», pieršaja pieradača jakoha vyjšła ŭ efir na radyjostancyi RV-10 imia Saŭnarkama BSSR. Ciapier radyjo - heta piać dziaržaŭnych kanałaŭ: Pieršy nacyjanalny kanał Biełaruskaha radyjo, radyjo «Biełaruś», kanał «Kultura», radyjo «Stalica» i radyjostancyja «Radyus FM», — raskazali ŭ pres-słužbie.
Vizitnaja kartka Biełaruskaha radyjo — Pieršy nacyjanalny kanał — bujniejšy radyjokanał Biełarusi. Na kanale vychodzić bolš jak 60 prahram roznaj žanravaj i tematyčnaj nakiravanaści, pastajanna pravodziacca pramyja radyjotranślacyi važnych padziej u žyćci krainy.
Z 2005 hoda ŭsie kanały i radyjostancyi Biełaruskaha radyjo tranślirujucca ŭ režymie realnaha času ŭ internecie.
«Biełaruskaje radyjo prajšło vialiki šlach, aśviatlajučy ŭsie važnyja viechi historyi našaj krainy. Za dzieviać dziesiacihodździaŭ vysokaprafiesijnym kalektyvam praviedziena vialikaja rabota, nabyty biascenny tvorčy dośvied. Siońnia pryjemna adznačyć, što Biełaruskaje radyjo źjaŭlajecca prykładam prafiesijnaj radyjožurnalistyki i viernym siabram dla mnohich pakaleńniaŭ udziačnych słuchačoŭ u našaj krainie i za miažoj», — padkreślili ŭ pres-słužbie Biełteleradyjokampanii.
