Narodny deputat Ukrainy Dźmitryj Jaraš zajaviŭ ab składańni paŭnamoctvaŭ lidara nacyjanalna-vyzvolnaha ruchu «Pravy siektar».
Pra heta jon napisaŭ na svajoj staroncy ŭ Facebook.
«Ja vymušany adkazać admovaj na prapanovu ŭznačalić prapanavanuju kanfierencyjaj pasadu i składaju ź siabie paŭnamoctvy pravadyra NVR PS, zastajučysia nacyjanalistam, dziaržaŭnikam i revalucyjanieram», — napisaŭ Jaraš.
Svajo rašeńnie jon patłumačyŭ tym, što jaho pazicyja daloka nie va ŭsim supadaje z pamknieńniami častki kiraŭnictva «Pravaha siektara».
«Atrymaŭšy ranieńnie i patrabujučy doŭhaha času na lačeńnie, ja davieryŭ niekatoryja napramki kiravańnia rucham svaim bližejšym paplečnikam, jakija mieli i majuć svoj pohlad na razhortvańnie nacyjanalistyčnaha ruchu. Maja ž pazicyja daloka nie va ŭsim supadaje z pamknieńniami častki kiraŭnictva. Jak pravadyr ja niasu piersanalnuju adkaznaść za ŭsio, što adbyvajecca ŭ arhanizacyi, i nie źbirajusia pierakładać jaje na inšych. Mienavita tamu ja nie mahu być «viasielnym hienierałam» u «Pravam siektary», — rastłumačyŭ jon.
