Top-mieniedžer Hazprombanka Andrej Akimaŭ abvierh svaje słovy pra Kaciarynu Cichanavu. Jak zajavili ŭ pres-słužbie banka, Akimaŭ sa ździŭleńniem daviedaŭsia, što Reuters prypisaŭ jamu słovy pra toje, što Kaciaryna Cichanava źjaŭlajecca dačkoj Uładzimira Pucina.
«Heta nie tak. Takich zajaŭ spadar Akimaŭ nie rabiŭ. Akimaŭ byŭ vielmi ździŭleny, što žurnalisty takoha salidnaha vydańnia dapuścili nie prosta skažeńni skazanaha, a pramuju padtasoŭku», - zajavili ŭ pres-słužbie Hazprombanka.
Ahienctva Reuters apublikavała rasśledavańnie pra dačok Pucina. Adnym z tych, chto paćvierdziŭ asobu Kaciaryny Cichanavaj, byŭ Akimaŭ. Aficyjna pradstaŭnik rasijskaha prezidenta Dźmitryj Piaskoŭ admaŭlajecca paćvierdzić, što fond «Innopraktika» ŭznačalvaje dačka Uładzimira Pucina.
U rasśledavańni Reuters raspaviadałasia taksama pra inšuju dačku prezidenta RF Maryju. Pa dadzienych ahienctva, jana pracuje ŭ endakrynałahičnym navukovym centry ŭ Maskvie.
