Karaleva Vialikabrytanii Lizavieta II ŭručyła viadomamu akcioru Bieniedyktu Kambierbetču orden Brytanskaj impieryi na ŭračystaj cyrymonii ŭ Bukinhiemskim pałacy — za akciorskija pośpiechi i dasiahnieńni ŭ dabračynnaści. Pra heta paviedamlaje The Telegraph.
Daily Mail
Pa słovach samoha Kambierbetča, karalevu jon sustreŭ upieršyniu i dla jaho heta vialiki honar, a samu padzieju jon nazvaŭ unikalnaj.
Napiaredadni Kambierbetč zaviaršyŭ pracu ŭ sieryi pakazaŭ śpiektakla «Hamlet» u łondanskim teatry «Barbikan». U trahiedyi Uiljama Šekśpira jon vykanaŭ hałoŭnuju rolu.
The Telegraph
Bieniedykt Kambierbetč — brytanski akcior teatra, kino i telebačańnia, jaki atrymaŭ najbolšuju viadomaść paśla zdymak u sieryjale «Šerłak» (2010). Kambierbetč ŭ hetym hodzie dvojčy byŭ naminavany ŭ katehoryi «najlepšy akcior» na premiju Oskar i BAFTA ŭ halinie kiniematahrafii.
