Brytanski komik Roŭen Atkinsan, viadomy jak mister Bin, i jaho žonka Sunetra Sastry raźvialisia pa paskoranaj pracedury paśla 24 hadoŭ sumiesnaha žyćcia — z pryčyny «nierazumnych pavodzin» akciora.
U čym mienavita zaklučalisia «nierazumnyja pavodziny», nie paviedamlajecca.
Źleva naprava: Ford, Atkinsan, Sastry. Fota mirror.co.uk
Rašeńnie pra razvod vynies akruhovy sudździa Styvien Ałdersan u Centralnym siamiejnym sudzie ŭ Łondanie. Słuchańni pa spravie doŭžylisia adnu chvilinu.
Muž i žonka nie prysutničali ŭ sudzie, rašeńnie jakoha vyznačajecca terminam decree nisi, jaki aznačaje, što jano ŭstupaje ŭ siłu z peŭnaha terminu, kali nie budzie asprečana.
Atkinsan, jakomu ciapier 60 hadoŭ, užo paŭtara hoda sustrakajecca z 32-hadovaj aktrysaj Łuiz Ford. Jon i Sunetra Sastry, byłaja hrymiorka ŭ Bi-bi-si, pabralisia šlubam u 1990 hodzie. U ich dvoje dziaciej.
Majomaść Atkinsana, jaki viadomy i jak kalekcyjanier darahich aŭtamabilaŭ, aceńvajecca ŭ 70 miljonaŭ funtaŭ.
