Viarchoŭny sud kančatkova paćvierdziŭ zakonnaść ukaza prezidenta Rasii Uładzimira Pucina ab zasakrečvańni asabistych strat minabarony padčas śpiecapieracyj u mirny čas.
Takim čynam sud adchiliŭ apielacyjnuju skarhu advakataŭ, žurnalistaŭ, a taksama raniej abvinavačanaj u dziaržaŭnaj zdradzie žycharki horada Viaźma Smalenskaj vobłaści Śviatłany Davydavaj (jaje sprava paśla była zakrytaja).
Zajaŭniki, u pryvatnaści, nastojvali, što ŭ artykule 5 zakona ab dziaržtajnie ŭtrymlivajecca zakryty śpis typaŭ źviestak, jakija mohuć być abvieščanyja sakretnymi, u tym liku kolkaść vojskaŭ — ale źviestki pra straty sami pa sabie nie vydajuć tajamnicu ab kolkaści padraździaleńniaŭ abo ŭsioj armii.
U žniŭni Viarchoŭny sud pryznaŭ prezidencki ŭkaz zakonnym.
28 maja hetaha hoda Uładzimir Pucin svaim ukazam unios źmieny ŭ pieralik sakretnych źviestak.
Pavodle papravak, da dziaržtajny ciapier naležać i źviestki minabarony, jakija raskryvajuć straty asabovaha składu ŭ vajenny čas i ŭ mirny čas u pieryjad praviadzieńnia śpiecyjalnych apieracyj. U redakcyi zakona ad 1995 hoda da dziaržtajny adnosilisia tolki źviestki, jakija raskryvajuć straty asabovaha składu ŭ vajenny čas.
Za razhałašeńnie infarmacyi pra straty minabarony Rasii ŭ mirny čas ciapier pahražaje kryminalny pieraśled pa artykule «Dziaržaŭnaja zdrada».
