U staličnym Pałacy mastactvaŭ adkryjecca pieršaja ŭ Biełarusi dakumientalna-mastackaja vystava «Praŭda pra Kurapaty. Fakty, dakumienty, śviedčańni».
Jaje adkryćcio zapłanavanaje na piatnicu, 13 listapada — a 17-j.
Ekspazicyja raspaviadzie pra minułaje Kurapataŭ ciaham apošnich 27-mi hadoŭ, pra pieršaadkryvalnikaŭ Nacyjanalnaha niekropala i jaho abaroncaŭ, pra achviaraŭ stalinizmu, paviedamiŭ u fejsbuku Źmicier Zacharevič. Na vystavie možna budzie daviedacca pra niezvyčajnyja fakty, ubačyć unikalnyja dakumienty, zdymki, artefakty, kinastužki i tvory vyjaŭlenčaha mastactva. Płanujecca prezientacyja stužki Michasia Ždanoŭskaha «Daroha na Kurapaty» i stužki Volhi Mikałajčyk «Ja — hołas Kurapataŭ». Praciahniecca vystava da 16 listapada ŭklučna.
