Admienieny vizit u Biełaruś namieśnika ministra zamiežnych spraŭ Polščy Konrada Paŭlika, paviedamiła BiełaPAN pres-sakratar polskaha pasolstva Hanna Dzierska.
Vizit płanavaŭsia na 10—13 listapada. Nahadajem, čakaŭsia ŭdzieł namieśnika ministra 11 listapada ŭ cyrymonii padpisańnia pahadnieńnia pamiž pasolstvam Polščy i kampanijaj VFS.Global, apierataram budučych polskich vizavych centraŭ na terytoryi Biełarusi.
Z čym źviazana admiena vizitu čynoŭnika MZS, pres-sakratar pasolstva nie patłumačyła. «My ničoha nie kamientujem», — skazała Dzierska. Pry hetym jana ŭdakładniła, što admienieny tolki vizit Paŭlika, delehacyja polskich dziaržaŭnych orhanaŭ, orhanaŭ miascovaha samakiravańnia i dziełavych kołaŭ naviedaje Biełaruś, jak i było zapłanavana. «Usia ekanamičnaja prahrama zastajecca, jak zapłanavana», — skazała Dzierska.
U pryvatnaści, na 11 listapada zapłanavany ŭdzieł polskaj delehacyi ŭ pracy vystavy «Pradekspa», a taksama sieminary «Biełaruska-polskaje supracoŭnictva ŭ śfiery sielskaj haspadarki i charčavańnia» ŭ Minsku.
12 listapada delehacyja naviedaje Mahiloŭ, dzie praviadzie sustreču z kiraŭnictvam Mahiloŭskaj vobłaści i voźmie ŭdzieł u pracy biełaruska-polskaha rehijanalnaha biźnies-forumu, a taksama mierapryjemstvach Tydnia polskaha kino.