U kancy minułaha tydnia mabilny apieratar life:) anansavaŭ źjaŭleńnie biaspłatnaha Wi-Fi u niekatorych aŭtobusach u Minsku i abłasnych centrach. Adnak siońnia vyśvietliłasia, što dla zapusku takoha prajekta jaho arhanizatary pavinny zarehistravać abstalavańnie ŭ nahladnym orhanie i ŭzhadnić ŭstanoŭku ź Ministerstvam abarony.
Respublikanskaje ŭnitarnaje pradpryjemstva pa nahladzie za elektrasuviaźziu «BiełDIE» paviedamiła, što pavodle ciapierašniaha zakanadaŭstva biez rehistracyi razdavać Wi-Fi moža tolki «kancavaja (abanienckaja) aparatura Wi-Fi, jakaja ŭstaloŭvajecca ŭnutry budynkaŭ i zbudavańniaŭ i jakaja nie vykarystoŭvaje anteny, jakija ŭstanaŭlivajucca pa-za budynkami i zbudavańniami».
U aŭtobusach ž źbiralisia vykarystoŭvać aparaturu z antenami pa-za budynkami — ich, jak i astatniaje abstalavańnie pryjšłosia b raźmiaścić u aŭtobusach. Hety vypadak u zakon nie ŭpisvajecca, a značyć, patrabuje rehistracyi.
«Pakolki transpartnyja srodki nie źjaŭlajucca budynkami i zbudavańniami, to ŭ adpaviednaści z vyšejaznačanymi pastanovami <…> dla vykarystańnia kropak dostupu Wi-Fi, ustanoŭlenych ŭnutry transpartu patrabujecca atrymańnie dazvolnych dakumientaŭ u RUP «BiełDIE» i praviadzieńnie ŭzhadnieńnia ź Ministerstvam abarony», havorycca na sajcie viedamstva.
Pradstaŭniki nahladnaha orhana nahadali, što stvareńnie takich kropak u hramadskim transparcie biez dazvolnych dakumientaŭ niezakonna i ciahnie administracyjnuju adkaznaść.
