Brytanskaja piśmieńnica Džoan Roŭlinh i režysior Džon Cifani aficyjna abviaścili śpiektakl «Praklataje dzicia» praciaham sieryi knih pra Hary Potera, paviedamlajuć infarmahienctvy. Dziejańni ŭ pjesie buduć razhortvacca praz 19 hadoŭ paśla padziej, apisanych u knizie «Hary Poter i Darunki śmierci». Pierad hledačami paŭstanie pastaleły Hary, jaki sutykniecca ź ciažkaściami ŭ paŭsiadzionnym žyćci: jon budzie vychoŭvać traich dziaciej i pracavać da straty pulsa ŭ Ministerstvie mahii.
Pry hetym, niahledziačy na budzionnyja spravy, hałoŭny hieroj pa-raniejšamu budzie raźbiracca sa svaim minułym. Jaho małodšy syn Albus, nazvany ŭ honar dyrektara škoły Dambłdora, upieršyniu sutykniecca ź siamiejnymi prablemami.
Śpiektakl budzie składacca ź dźviuch častak. Premjera adbudziecca 30 lipienia 2016 hoda ŭ łondanskim Palace Theatre. Chto syhraje rolu darosłaha Hary Potera i členaŭ jaho siamji, pakul nieviadoma. Usiaho budzie zadziejničana kala 30 akcioraŭ. Džoan Roŭlinh vykazała ŭpeŭnienaść, što, kali hledačy ŭbačać śpiektakl «Praklataje dzicia», jany zrazumiejuć, čamu aŭtary zachacieli raźvivać historyju mienavita ŭ hetym kirunku.
