Najbližejšymi miesiacami Nacyjanalnaja akademija navuk (NAN) Biełarusi i Fiederalnaje kaśmičnaje ahienctva Rasii (Raskosmas) vyznačać techničnyja detali, źniešni voblik i nabor funkcyj, jakimi budzie vałodać druhi biełaruski kaśmičny spadarožnik dystancyjnaha zandavańnia Ziamli, paviedamiŭ žurnalistam 22 kastryčnika ŭ Minsku hienieralny dyrektar Raskosmasa Ihar Kamaroŭ.
Miarkujecca, što novy spadarožnik, jaki pakul nie maje nazvy, atrymaje ŭdaskanalenuju aptyčnuju sistemu z raspaznavalnaj zdolnaściu mienšaj za mietr. Heta dazvolić rabić zdymki palepšanaj jakaści, a značyć pašyryć vobłaść ich prymianieńnia i śpis patencyjalnych pakupnikoŭ.
Zapuścić novy biełaruski kaśmičny aparat płanujecca nie paźniej za 2017 hod. Rasija ž maje namier da 2018 hoda zapuścić čatyry svaje spadarožniki sieryi «Kanopus-V» z raspaznavalnaj zdolnaściu dva mietry. Nie vyklučana, što hetyja piać abjektaŭ utvorać novuju biełaruska-rasijskuju kaśmičnuju hrupoŭku, bo praz dva hady zakončycca resurs Biełaruskaha kaśmičnaha aparata i «Kanopusa-V», jakija ŭvachodziać siońnia ŭ małuju hrupoŭku spadarožnikaŭ.
Pavodle słoŭ Kamarova, rychtujecca biźnies-płan prajekta stvareńnia novaha biełaruskaha aparata, u pryvatnaści idzie pošuk patencyjalnych rynkaŭ zbytu kaśmičnaj infarmacyi, vyznačajecca akupnaść spadarožnika ŭ cełym.
Kiraŭnik Raskosmasa padkreśliŭ, što ŭ Biełarusi jość «vielmi cikavyja i pierśpiektyŭnyja pradpryjemstvy, ź jakimi paśpiachova pracuje rakietna-kaśmičnaja halina Rasii», heta «Intehrał», «Pielenh» i inšyja. «Ź imi my pracujem i pa kampanientnaj bazie, i pa vytvorčaści karysnaj nahruzki, u tym liku dla aparataŭ dystancyjnaha zandavańnia Ziamli ŭ halinie optyka-elektronnych sistem. Tut my bačym pierśpiektyvy dla dalejšaha supracoŭnictva», — zajaviŭ Kamaroŭ.
