Dziaržaŭtainśpiekcyja Minskaj vobłaści źviarnułasia da hledačoŭ futbolnaha matča Lihi čempijonaŭ UEFA BATE — «Barsiełona», jaki adbudziecca 20 kastryčnika na stadyjonie «Barysaŭ-Arena».
«Jak pakazała praktyka minułych futbolnych matčaŭ, asabliva Lihi čempijonaŭ, paśla mierapryjemstva ŭźnikaje prablema ŭ raźjeździe hledačoŭ i balelščykaŭ aŭtamabilnym transpartam. Tak, na matč BATE — «Roma» 29 vieraśnia prybyła pryblizna 8 tys. čałaviek, i bolšaja častka — na asabistym transparcie, a heta, pavodle papiarednich źviestak, bolš za 4,5 tys. adzinak. Paśla zakančeńnia matča na vyjeździe z horada Barysava byŭ abciažarany ruch», — havorycca ŭ paviedamleńni ŭpraŭleńnia DAI UUS Minabłvykankama.
Dla vyklučeńnia zatoravych situacyj i arhanizacyi darožnaj biaśpieki DAI rekamienduje kiroŭcam stroha kiravacca sihnałami rehuliroŭščykaŭ i patrabavańniami časovych darožnych znakaŭ, być uvažlivymi i dyscyplinavanymi. Zvarotny šlach minčanie-aŭtamabilisty mohuć zapłanavać pa aŭtadarozie M1 Brest — Minsk — miaža RF, prapusknaja zdolnaść jakoj značna vyšej za aŭtadarohu R53 Słabada — Navasady.
«Dziaržaŭtainśpiekcyja Minskaj vobłaści rekamienduje płanavać čas i maršrut pajezdak z ulikam dadzienaj infarmacyi. Najlepšym ža rašeńniem dla hledačoŭ i balelščykaŭ budzie skarystacca pasłuhami hramadskaha transpartu», — rekamienduje UDAI UUS.
Biełaruskaj čyhunkaj vydzialajecca dadatkovaja elektryčka dla hledačoŭ, jakija viartajucca z futbolnaha matča. Adpraŭleńnie z Barysava ŭ 0.10 21 kastryčnika z prypynačnym punktam Piečynski kala stadyjona «Barysaŭ-Arena».
