Jeŭrapiejskaje kaśmičnaje ahienctva (ESA) i Raskosmas majuć namier sumiesna adpravić na Miesiac daśledčy aparat. Meta misii — vyvučyć mahčymaść stvareńnia na Miesiacy pastajannaha pasielišča.
Reuters
Palot bieśpiłotnaha aparata ŭ ramkach misii «Miesiac 27» pavinien adbycca praź piać hadoŭ. Aparat pryziamlicca ŭ paŭdniovym paŭšarji, dzie zojmiecca vyvučeńniem hleby i atmaśfiery na najaŭnaść tam vady. Kali tam buduć vyjaŭlenyja dastatkovyja zapasy vady, to na Miesiac mohuć być adpraŭlenyja ludzi.
Kiraŭnik ESA zajaŭlaje, što razhladajecca mahčymaść stvareńnia pastajanna nasielenaj bazy na Miesiacy.
Paviedamleńnie ab sumiesnaj z Rasijaj misii supała z narastańniem palityčnych treńniaŭ pamiž Maskvoj i Jeŭropaj, što moža pastavić pad pytańnie pośpiech hetaha prajektu.
Adpraŭka ludziej na Miesiac płanujecca nie raniej za 2030 hod.
Raniej, taksama ŭ kastryčniku, było abvieščana, što Rasija sumiesna z ZŠA, ES i Japonijaj zojmiecca vyvučeńniem Marsa, Miesiaca i Mierkuryja.
