Rasijskija vajennyja samaloty nanieśli ŭdary pa horadzie Palmira, jaki kantraluje terarystyčnaja hrupoŭka «Isłamskaja dziaržava». Pra heta ŭ aŭtorak paviedamlaje Reuters sa spasyłkaj na słovy vajennaj krynicy dziaržaŭnaha telebačańnia Siryi.
Vajennyja samaloty Rasii nanieśli ŭdar pa pazicyjach «Isłamskaj dziaržavy» ŭ Palmiry. Padčas apieracyi byli źniščanyja try składy z bojeprypasami terarystaŭ, 20 transpartnych srodkaŭ.
Taksama rasijskija samaloty nanieśli ŭdary pa haradach Al Bab i Dejr Chafier paŭnočnaj pravincyi Alepa. Jany znachodziacca ŭ 20 km ad aeraporta, jaki kantralujuć terarysty «Isłamskaj dziaržavy».
Surazmoŭca raspavioŭ, što avijaŭdary pa Palmiry byli pieršymi ŭ zapłanavanaj apieracyi na terytoryi horada. Jon dadaŭ, što Rasija ŭzhadniła hetyja dziejańni ź Siryjaj.
