Takija razmovy chodziać u pravasłaŭnaj carkvie. Pra heta «Našaj Nivie» raskazali adrazu niekalki krynic. Adnak u infarmacyjnym adździele BPC hetyja słovy abviarhajuć. «Heta nie čutki, a navat plotki», — skazaŭ Siarhiej Lepin, staršynia sinadalnaha infarmacyjnaha adździeła carkvy.
Mitrapalit Razanski Pavieł byŭ pryznačany kiraŭnikom biełaruskaha pravasłaŭja ŭ 2013 hodzie. Heta vyklikała nieadnaznačnuju reakcyju biełaruskich viernikaŭ. U Biełaruś prysłali čałavieka, jaki nikoli nie žyŭ i nie pracavaŭ u našaj krainie, heta było ŭspryniata jak demanstracyja padparadkavanaha stanovišča biełaruskaha pravasłaŭja. Da taho ž, stała viadoma videa, na jakim jon zajaŭlaje, što Rasija ŭ vypadku cisku na jaje moža adpomścić, adkryŭšy «atamny kranik». U Biełarusi, jakaja pryniała na siabie čarnobylskuju radyjacyju, hetkija słovy ŭsprymajucca niehatyŭna.
Dziejnaść mitrapalita Paŭła ŭ Minsku vyklikała časam niezadavolenaść u supracoŭnikaŭ jeparchii i śviataroŭ, jakija zvykli da intelihientnaha stylu mitrapalita Fiłareta.
Alaksandr Łukašenka na Vialikdzień nie pryjechaŭ u pravasłaŭnuju kafiedru. Zamiest taho jon naviedaŭ zvyčajny pravasłaŭny chram u Oršy.
Havorać, u mitrapalita Paŭła nie skłalisia i adnosiny z «duchoŭnikam» prezidenckaj siamji ajcom Fiodaram Poŭnym — adzinym śviatarom, jaki supravadžaŭ Alaksandra Łukašenku na harnałyžnyja kurorty i atrymaŭ pałac u Drazdach.
U infarmacyjnym adździele BPC čutki pra adjezd mitrapalita Paŭła abviarhajuć. «Heta nie čutki, a navat plotki», — skazaŭ Siarhiej Lepin, staršynia sinadalnaha infarmacyjnaha adździeła carkvy.
