Ułady Vienhryi abviaścili ŭ piatnicu, što budaŭnictva płota na miažy z Charvatyjaj praktyčna zavieršana. Pra heta paviedamlaje Associated Press.
Aficyjny pradstaŭnik urada Zołtan Kovač zajaviŭ, što Vienhryja nie choča začyniać miažu, ale choča «abaranić miažy Jeŭrapiejskaha sajuza». Jon padkreśliŭ, što mahčymaść lehalnaha ŭjezdu zastajecca adkrytaj.
Z pačatku mihracyjnaha kryzisu ŭ Charvatyju prybyło amal 59 tysiač uciekačoŭ.
Jak paviedamlałasia, Vienhryja pačała budavać na miažy sa Słavienijaj płot z kalučaha drotu, kab spynić patok nielehalnych mihrantaŭ.
Raniej premjer Vienhryi Viktar Orban zajaviŭ, što nie zhodny sa stratehijaj kanclera Hiermanii Anhieły Mierkiel u dačynieńni biežancaŭ, jakuju jon nazvaŭ «maralnym impieryjalizmam» u dačynieńni da krain Jeŭrasajuza.
Jak paviedamlałasia, parłamient Vienhryi ŭchvaliŭ zakon, jaki dazvalaje ŭradu vykarystoŭvać armiju dla ŭrehulavańnia kryzisu ź mihrantami.
