Kali chočacie vy padaryć,
Što dla ščaścia ŭ narodziny dorać –
Padarycie mnie krejdu, siabry,
Krejdu-krejdačku z Krejdavych horaŭ.
Haradzienskuju krejdu ź lasoŭ,
Z-pad dzirvanu listoty i hołak.
Ja pad šept tajamničych zamoŭ
Namaluju achoŭnaje koła.
Niepamierny dla koła absiah,
Ci zmahu, ci abvieści paśpieju?
Ci niadoŭhaha chopić žyćcia,
Bo pačać daviadziecca z Aśviei,
I na ŭschod za Dniapro pa miažy,
I na poŭdzień da Čornaha mora
Ad biady čaravać rubiažy
Padarunkami z Krejdavych horaŭ.
Kab praz koła nie rušyć vajnie,
Dačakacca spakoju i ładu,
Chaj čaroŭnaje koła zamknie
Biełaruska z dalokaj Kanady.
20.09.15.
0
0
0
0
0
0
