Da ŭručeńnia Nobieleŭskich premij zastałosia paŭmiesiaca, a značycca, nadyšoŭ čas uručeńnia Šnobieleŭskich (Ihnobieleŭskich) premij — uznaharodaŭ za samyja ekstravahantnyja idei i absurdnyja navukovyja daśledavańni. «Za dasiahnieńni, jakija prymušajuć spačatku zaśmiajacca, a paśla — zadumacca», — adznačajuć arhanizatary.
Uručeńnie adbyłosia ŭ Harvardskim univiersitecie ŭžo 25-y raz. Chto staŭ pieramožcam na hety raz?
Šnobieleŭskija premija pa chimii ŭručanaja za adkryćcio sposabu pieratvarać zvaranyja kurynyja jajki nazad u syryja.
U halinie fiziki adznačanyja amierykanskija navukoŭcy, jakija dakazvali, što pamier mlekakormiačych nijak nie źviazany z časam ich mačavypuskańnia — i dakazali ž!
Ekanamičnuju premiju atrymaŭ kiraŭnik palicyi Banhkoka. Jon prapanavaŭ vypłačvać palicejskim premiju za admovu ad chabaru.
Šnobieleŭskaja premija pa litaratury prysudžana daśledčykam, jakija zajmalisia linhvistyčnym analizam. Jany dakazali, što jak minimum u dziesiaci roznych movach, jakija nie znachodziacca pamiž saboj u moŭnym svajactvie, vykličnik «a?» vykarystoŭvajecca dla taho, kab niešta pierapytać u surazmoŭcy.
Miedycynskaj premijaj sioleta vyrašana ŭznaharodzić aŭtaraŭ čatyroch daśledavańniaŭ, tak ci inakš źviazanych sa škodaj i karyściu pacałunkaŭ.
Premija pa bijałohii dastałasia navukoŭcam z ZŠA i Čyli. Jany vyśvietlili, što, kali kurycy prymajstravać pratez chvasta, jana budzie chadzić jak dynazaŭr.
Uładalnikami Šnobieleŭskaj premii pa matematycy stali daśledčyki, jakija padličyli, što marakanski sułtan Ismaił moh zajmacca seksam štodnia na praciahu 32 hadoŭ dla taho, kab začać 888 dziaciej.
U katehoryi «miedycynskaja dyjahnostyka» pryz atrymali navukoŭcy, jaki daśledavali bol u žyvacie. Vyśvietliłasia, što ŭzmacnieńnie bolu pry pierajeździe praź lažačaha palicejskaha śviedčyć ab najaŭnaści vostraha apiendycytu.
Narešcie, Šnobieleŭskuju premiju ŭ naminacyjach «psichałohija» i «entamałohija» atrymali daśledčyki, jakija daviedalisia ŭkusy jakich nasiakomych samyja balučyja i jakija vobłaści cieła čałavieka najbolš usprymalnyja da takich ŭkusaŭ.
* * *
Łukašenka staŭ łaŭreatam Šnobieleŭskaj premii
