Usie artykuły taraškievicaj z adresy be-x-old.wikipedia.org 4 vieraśnia «pierajechali» na tuju, jakaja i planavałasia adrazu — be-tarask.wikipedia.org. Pierajezd zaniaŭ 8 hadoŭ.
Ad pačatku zasnavańnia biełaruskaj Vikipedyi ŭ 2004 hodzie artykuły pisalisia klasyčnym pravapisam, raskazaŭ NN adzin ź vikipedystaŭ pad nikam «Renessaince». U 2006 hodzie prychilniki aficyjnaha pravapisu pasprabavali stvaryć asobny raździeł, ale administracyjaj Vikipedyi im u hetym było admoŭlena. Paźniej imi byŭ stvorany «inkubatar», dzie źjaŭlalisia artykuły školnym pravapisam.
27 sakavika 2007 zhodna z pastanovaj moŭnaha padkamitetu fundacyi Wikimedia damen «be.wikipedia.org» byŭ addadzieny ŭdzielnikam Vikipedyi aficyjnym pravapisam, na jaho byli pieraniesienyja ŭsie stvoranyja artykuły ź inkubataru (na toj čas ichniaja kolkaść składała 3565). Bolš za 6000 artykułaŭ «taraškievicaj», stvoranych z momantu zasnavańnia biełaruskaj Vikipedyi, jakija dahetul znachodzilisia na dadzienym adrasie, źnikli, što vyklikała niemałoje ździŭleńnie karystalnikaŭ. Paźniej, adnak, vyśvietliłasia, što jany pieraniesienyja na novy damen «be-x-old.wikipedia.org». Prychilniki «aficyjnaha pravapisu» navat źmiaścili na hałoŭnaj staroncy admysłovaje paviedamleńnie pra toje, što ciapier artykuły «taraškievicaj» znachodziacca pa novym adrasie, a «be.wikipedia.org» adhetul stvarajecca «ŭ narmatyŭnaj biełaruskaj movie».
Pavodle niekatorych źviestak, pryčynaju pieramiaščeńnia raździełaŭ stała adsutnaść asobnaha ISO-kodu dla «taraškievicy». Praź miesiac Administracyja adrasovaje prastory Internetu ŭviała dla hetaha varyjantu pravapisu asobny teh «be-tarask», adnak u Vikipedyi da vieraśnia 2015 hodu zachoŭvałasia damennaja prystaŭka «be-x-old».
— Ja mahu tolki ŭskosna zdahadvacca, z-za čaho heta adbyłosia i čamu administracyja Vikipedyi adrazu pieraniesła artykuły na «be-x-old», — kaža vikipedyst «Renessaince». — Fundacyja Vikimedyja sama prymała rašeńnie. Peŭna, jana sama i abrała takuju prystaŭku, tamu što rašeńnie pa dvuch pravapisach ŭvohule było biesprecedentnaje ŭ suśvietnaj Vikipedyi.
Artykuły klasyčnym pravapisam možna paralelna čytać jak pa staroj spasyłcy be-x-old, tak i na novaj – be-tarask.
Na siońniašni dzień u Vikipedyi klasyčnym pravapisam 57 tysiač artykułaŭ, a ŭ Vikipedyi aficyjnym pravapisam zusim niadaŭna byŭ napisany 100 tysiačny artykuł – Kalmordenski_zaapark. (Jaki, darečy, napisaŭ udzielnik z klasyčnaha raździełu – Lesnas?ttling).
