Sotni ludziej sustrakali Mikałaja Statkieviča na minskim aŭtavakzale, skandujučy «Hieroj!».
Alaksandr Łukašenka pamiłavaŭ Mikałaja Statkieviča, Juryja Rubcova i inšych palitviaźniaŭ. Pra heta paviedamlaje pres-słužba kiraŭnika krainy.
«Zychodziačy z pryncypu humanizmu, prezident Biełarusi siońnia pryniaŭ rašeńnie ab pamiłavańni i vyzvaleńni ź miescaŭ pazbaŭleńnia voli Mikałaja Dziadka, Ihara Alinieviča, Mikałaja Statkieviča, Jaŭhiena Vaśkoviča, Arcioma Prakapienku, Juryja Rubcova», — havorycca ŭ paviedamleńni.
Jak sustrakali Mikołu Statkieviča. Videa radyjo «Svaboda»:
Pieršaje FOTA Jaŭhiena Vaśkoviča na voli
Ihar Alinievič doma sa ščaślivaj mamaj FOTAFAKT
Mikałaj Dziadok na voli: «Chaču, kab heta nie akazałasia snom» FOTY
Emacyjny Arciom Prakapienka na svabodzie FOTAFAKT
Na voli i Juryj Rubcoŭ. Jon doma ŭ Homieli.
* * *
Mikoła Statkievič
Heta adziny eks-kandydat u prezidenty, jaki trapiŭ u turmu i nie pahadziŭsia napisać prašeńnie ab pamiłavańni.
U dzień vybaraŭ pa zakančeńni akcyi pratestu na płoščy Niezaležnaści ŭ Minsku, žorstka razahnanaj śpiecnazam, Statkieviča zatrymali. U SIZA KDB jon admoviŭsia ad dačy pakazańniaŭ i abviaściŭ haładoŭku, spyniŭšy jaje tolki praz 23 dni. U vinu Statkieviču pastavili arhanizacyju masavych biesparadkaŭ. U sudzie svajoj viny jon nie pryznaŭ, zajaviŭšy, što nie daviaraje nie kamu-niebudź z składu suda piersanalna, a ŭsioj biełaruskaj sudovaj sistemie ŭ pryncypie, pakolki jana niesamastojnaja ŭ svaich rašeńniach.
26 maja 2011 hoda Statkieviča asudzili na šeść hadoŭ pazbaŭleńnia voli va ŭmovach ŭzmocnienaha režymu. 12 studzieni 2012 rašeńniem suda ŭmovy adbyćcia pakarańnia źmianili na bolš žorstkija, i jaho pieraviali sa Škłoŭskaj kałonii ŭ turmu №4 Mahilova.
Heta nie pieršy termin, jaki adbyvaje Statkievič. U 2004 hodzie paśla vybaraŭ u parłamient i refierendumu, jaki admianiaŭ abmiežavańni na kolkaść prezidenckich terminaŭ, Statkievič uznačaliŭ akcyju pratestu. Za što bolš za dva hady pravioŭ na «chimii».
Na volu Statkievič pavinien byŭ vyjści 20 śniežnia 2016 hoda.
Mikałaj Dziadok
Mikałaja Dziadka asudzili pa spravie anarchistaŭ. Jaho zatrymali ŭ jakaści padazravanaha ŭ napadzie na ambasadu Rasii. Adnak, amal praz try tydni, praviedzienyja im pad aryštam, jamu pradjavili abvinavačvańnie… va ŭdziele ŭ niesankcyjanavanaj akcyi kala Hienštaba Biełarusi.
Padčas sudu Dziadok zajaviŭ pra cisk z boku śledstva, pahrozach pavialičyć turemny termin, zrabić bolš žorstkimi ŭmovy ŭtrymańnia.
Sud prysudziŭ Dziadka da 4,5 hoda kałonii pa abvinavačvańni ŭ chulihanstvie. Jon adbyvaje pakarańnie ŭ Mahiloŭskaj kałonii №4.
Asudžanamu anarchistu niekalki razoŭ prapanoŭvali napisać prašeńnie ab pamiłavańni, ale jon admoviŭsia.
Dziadku 26 hadoŭ. Jon naradziŭsia ŭ Brahinie Homielskaj vobłaści. Skončyŭ jurydyčny kaledž BDU, padčas zatrymańnia vučyŭsia na 2 kursie zavočnaha adździaleńnia Jeŭrapiejskaha humanitarnaha ŭniviersiteta ŭ Vilni pa śpiecyjalnaści «Palitałohija i jeŭrapiejskija daśledavańni».
Jaŭhien Vaśkovič
Babrujskaha žurnalista Jaŭhiena Vaśkoviča zatrymali ŭ studzieni 2011 hoda ŭ Mahilovie. Jon pryjechaŭ zdavać sesiju ŭ Mahiloŭskim dziaržaŭnym univiersitecie imia Arkadzia Kulašova. Napiaredadni žurnalist udzielničaŭ u niesankcyjanavanym pikiecie salidarnaści z palitviaźniami. Da hetaha adbyŭ 12 sutak aryštu ŭ Minsku za «Płošču—2010».
Vaśkoviča zatrymali pa padazreńni ŭ sprobie padpału budynka KDB u Babrujsku z dapamohaj butelek z zapalnaj sumieśsiu ŭ kastryčniku 2010 hoda. Razam ź im na łavie padsudnych apynulisia Arciom Prakapienka i Pavieł Syramałotaŭ. Uron budynku KDB skłaŭ na toj momant kala $80.
Padčas sudu Vaśkovič skazaŭ, što ličyć svaim abaviazkam - abaraniać nacyjanalnyja biełaruskija kaštoŭnaści, skončyŭ vystup słovami «Žyvie Biełaruś!».
Vaśkovič atrymaŭ siem hadoŭ pazbaŭleńnia voli ŭ kałonii ŭzmocnienaha režymu. Pakarańnie adbyvaŭ u Mahiloŭskaj turmie №4.
Na volu Vaśkovič pavinien vyjści 17 studzienia 2018.
Ihar Alinievič
Ihara Alinieviča asudzili pa spravie anarchistaŭ u 2011 hodzie na vosiem hadoŭ pazbaŭleńnia voli ŭ kałonii ŭzmocnienaha režymu.
U vinu jamu pastavili zakidvańnie butelkami z zapalnaj sumieśsiu terytoryi ambasady Rasiei ŭ noč z 30 na 31 žniŭnia 2010 hoda, udzieł u akcyi kala Hienštaba ŭzbrojenych sił Biełarusi 19 vieraśnia 2009 hodu, zakidvańnie fajerami kazino «Šanhry Ła» i budynka Fiederacyi prafsajuzaŭ Biełarusi, sproby padpału adździaleńniaŭ «Biełarusbanka» i banka «Maskva - Minsk», napad na Centr izalacyi pravaparušalnikaŭ na Akreścina 6 vieraśnia 2010 hoda.
U sudzie ad anarchisckich pohladaŭ Alinievič nie admoviŭsia, ale svajoj viny nie pryznaŭ. Zajaviŭ, što ŭdzielničaŭ u antyvajennaj akcyi kala budynka Hienštaba Biełarusi, ale kožny biełarus maje prava na svabodu schodaŭ i mirnych šeściaŭ. Jon ža sprabavaŭ vykazać svajo staŭleńnie da taho, što ŭ čas kryzisu, kali nasielnictvu Biełarusi zrezali zarobki i adpraŭlali jakija pracujuć u vymušanyja adpačynki, Minabarony pravodziła maštabnyja i darahija vajskovyja vučeńni.
Padčas źniavoleńnia Alinievič napisaŭ knihu ŭ vyhladzie dziońnika źniavolenaha «Jedu ŭ Mahadan». U joj apisaŭ, jak chavaŭsia ŭ Maskvie, dzie jaho vykrali ludzi, jakija pradstavilisia supracoŭnikami FSB. Choć pa dakumientach Alinieviča zatrymali ŭ Dubrovienskim rajonie.
Alinieviču 31 hod. Naradziŭsia ŭ Minsku, skončyŭ Biełaruski dziaržaŭny univiersitet infarmatyki i radyjoelektroniki. Sa škoły cikaviŭsia historyjaj anarchistyčnaha ruchu.
Na volu Alinievič pavinien vyjści 29 listapada 2018 hoda.
Arciom Prakapienka
Arcioma Prakapienku zatrymali pa toj ža spravie, što i Jaŭhiena Vaśkoviča — pa padazreńni ŭ sprobie padpału budynka KDB u Babrujsku z dapamohaj kinutych butelek z zapalnaj sumieśsiu ŭ kastryčniku 2010 hoda.
Na toj momant Arciom byŭ studentam filijała Biełaruskaha dziaržaŭnaha ekanamičnaha univiersiteta ŭ Babrujsku.
U sudzie Prakapienka, pa dadzienych palitviazni.info, zajaviŭ, što raskajvajecca. Jaho prysudzili da siami hadoŭ kałonii ŭzmocnienaha režymu.
Prakapienka 24 hady. Jon naradziŭsia ŭ Hrodnie. Prytrymlivajecca anarchisckich pohladaŭ.
Na volu Prakapienka pavinien vyjści 17 studzieni 2018 hoda.
Juryj Rubcoŭ
U kastryčniku 2014 hoda Juryj Rubcoŭ byŭ asudžany pavodle artykuła «abraza sudździ abo narodnaha zasiadaciela». Sud Centralnaha rajona Mienska prysudziŭ jaho da 1,5 hoda abmiežavańnia voli z nakiravańniem va ŭstanovu adkrytaha typu.
Novaja sprava ŭ dačynieńni da homielskaha aktyvista była zaviedzienaja ŭ sakaviku sioleta pavodle artykuła «ŭchileńnie ad adbyćcia pakarańnia ŭ vyhladzie abmiežavańnia voli» paśla taho, jak palitviazień admoviŭsia ad pracy z zarobkam nižej za $600 (pavodle aficyjnaj statystyki, heta siaredni zarobak pa krainie).
Sud Pružanskaha rajona pryznaŭ Rubcova vinavatym i prysudziŭ jaho da 2 hadoŭ pazbaŭleńnia voli ŭ kałonii ahulnaha režymu z ulikam nieadbytaha terminu.
