Pra heta zajaviła staršynia Biełaruskaha sajuza žančyn Nadzieja Jermakova na 6-j pazačarhovaj respublikanskaj kanfierencyi hetaj arhanizacyi.
«Status žančyny ŭ našaj dziaržavie vielmi vysoki. Siońnia ŭ nas ministry — žančyny, namieśniki ministraŭ — žančyny. U nas jość davier da žančyn», — skazała byłaja staršynia Nacbanka Nadzieja Jermakova. Jana adznačyła, što pavažajučaja siabie žančyna dobra pracuje. «Tamu ich i zaŭvažajuć, vyłučajuć na pasady. Ale, napeŭna, nie heta samaje hałoŭnaje. Hałoŭnaje — być čałaviekam, mamaj. Vyhadavać dzietak i vychavać ich — heta hałoŭnaja funkcyja žančyny», - ličyć kiraŭnik arhanizacyi.
Adkryvajučy kanfierencyju, Nadzieja Jermakova padkreśliła, što heta mierapryjemstva pravodzicca pierš za ŭsio dla taho, kab paćvierdzić prychilnaść Biełaruskaha sajuza žančyn ciapierašniamu kursu raźvićcia biełaruskaj dziaržavy. Na majučych adbycca vybarach sajuz padtrymaje kandydaturu dziejnaha kiraŭnika dziaržavy.
