«Paśla praviadzieńnia šeraha pieramoŭ kiraŭnictvam Dobraachvotnickaha Ukrainskaha Korpusa pryniata rašeńnie ab stvareńni taktyčnaj hrupy «Biełaruś»», — havorycca ŭ paviedamleńni supołki «Zhurtavańnie Patryjotaŭ», jakaja publikuje naviny z žyćcia biełaruskich bajcoŭ-dobraachvotnikaŭ.
Farmiravańnie TH «Biełaruś» budzie prachodzić u pryfrantavoj zonie, pieršaja hrupa bajcoŭ užo na pazicyjach, paviedamlaje supołka.
Asnovu TH składajuć biełaruskija chłopcy z vopytam bajavych dziejańniaŭ, pa miery vyrašeńnia prablem z materyjalna-techničnym zabieśpiačeńniem budzie prachodzić dałučeńnie biełarusaŭ ź inšych bataljonaŭ, piša aŭtar.
«Naša meta — stvareńnie nacyjanalnaha biełaruskaha adździeła, jaki zrobić svoj uniosak u zmahańnie suprać ahulnaha voraha. Razam da pieramohi. Žyvie Biełaruś! Słava Ukrainie!» — havorycca na zaklučeńnie.
Biełaruskija dobraachvotniki ŭdzielničajuć na ŭkrainskim baku ŭ zmahańni suprać rasijskaj ahresii z pačatku bajavych dziejańniaŭ viasnoj 2014 hoda. Zvyčajna jany słužać u roznych dobraachvotnickich ukrainskich adździełach.
Najbolš viadomaja hrupa biełaruskich nacyjanalistaŭ udzielničała ŭ składzie Dobraachvotnickaha Ukrainskaha Korpusa «Pravaha siektaru» ŭ abaronie važnaj pazicyi — vioski Piaski — kala Danieckaha aeraporta.