Rasijski śpiavak i deputat Dziarždumy Rasii Iosif Kabzon znoŭ apynuŭsia ŭ centry ŭvahi internet-supolnaści.
Na hety raz padstavaj stała zajava Kabzona, zroblenaja na pres-kanfierencyi padčas jaho vizitu ŭ Krym. Paśla naviedvańnia Respublikanskaj dziciačaj kliničnaj balnicy ŭ Simfieropali artyst zajaviŭ, što lepš «usim śvietam» źbirać hrošy nie na lačeńnie asobnych dziaciej, a na sam Krym.
«My znachodzim pa telebačańni: «ratujcie dzicia». Ale što rabić? Heta niaščaście, ja spačuvaju maci dziciaci. Ale dla taho, kab sabrać valutu i vylečyć dzicia, moža być bolš metazhodna, nie tamu što tam nie źviartać uvahu na hetaje chvoraje dzicia, a moža być, bolš metazhodna pa pryjarytetnaści sabrać srodki i dapamahčy Krymu, dapamahčy dastać miedykamienty», — zajaviŭ Kabzon.
Mahčyma, artyst kazaŭ ab dabračynnaści nie abstraktna dla ŭsiaho Kryma, a tolki śfiery achovy zdaroŭja, kankretna — dla dziaciej, piša medialeaks.ru, adnak internet-supolnaść užo nakryła chvala abureńnia.
Padčas vizitu ŭ Krym Kabzon zrabiŭ i jašče adnu dziŭnuju prapanovu: paraiŭ addać krymskija pomniki historyi i architektury ŭ pryvatnyja ruki.
«U vas u Sievastopali stajać pomniki. Vy pacikaŭciesia, na čyim jany zabieśpiačeńni? Jany municypalnyja abo fiederalnyja? Kali fiederalnaha značeńnia — heta hinuć pomniki, tamu što ŭrad moža zabiaśpiečyć maksimum 10% utrymańnia pomnikaŭ historyi i architektury. Nie budźcie sknarami, addajcie ŭ rehijony, municypałam, u pryvatnyja ruki. Chto zachoča zapaviednuju zonu? Kali łaska, biary i achoŭvaj jaje, adkazvaj za jaje», —skazaŭ Kabzon.
Nahadajem, u siaredzinie lutaha 2015 hoda ES pašyryŭ śpis sankcyj u dačynieńni da Rasii, kudy ŭvajšoŭ i Iosif Kabzon.
