U paniadziełak, 6 lipienia, u Minsku ŭdzień čakajecca da +31—33 hradusaŭ, paviedamlaje Biełhidramiet. Pa poŭdni słupok termomietra ŭzdymiecca da +36. Anansavanych daždžoŭ nie pradbačycca.
MNS daje rekamiendacyi, jak vyžyć u śpioku.
Haračaje nadvorje niebiaśpiečnaje dla čałavieka ciepłavym pierahravańniem i moža pryvieści da abiazvodžvańnia arhanizmu, raźvićciu soniečnaha i ciepłavoha ŭdaru, abvastreńnia sardečna-sasudzistych zachvorvańniaŭ.
Starajciesia jak maha mienš znachodzicca pad pramymi soniečnymi pramianiami. Kali heta niepaźbiežna, to abaraniajcie hałavu kapialušami i parasonami.
Pamiatajecie, što z 12.00 da 16.00 sonca najbolš aktyŭna. U hety čas pažadana abaraniać ŭsie ŭčastki cieła ad traplańnia soniečnych pramianioŭ — vykarystoŭvajcie zakrytuju vopratku i soncaachoŭnyja kremy.
Nie ŭžyvajcie ałkahol — u śpioku jaho dziejańnie na arhanizm šmatkroć uzmacniajecca, plus arhanizm stanovicca bolš adčuvalnym da vysokaj tempieratury.
Starajciesia ŭžyvać jak maha bolš vadkaści.
Nie kuplajcie pradukty z ruk — pry vysokaj tempieratury bakteryi razmnažajucca vielmi chutka, što moža pryvieści da ciažkich atručvańniaŭ pry niapravilnym zachoŭvańni praduktaŭ.
Nie vykarystoŭvajcie dekaratyŭnuju kaśmietyku naohuł ci źviadzicie jaje vykarystańnie da minimumu: naša skura ŭ śpiakotu ŭzmocniena dychaje i pacieje, tym samym źnižajučy tempieraturu našaha cieła. Takoje zakarkavańnie skury časam moža pryvieści da pierahrevu.
Nie zajmajciesia aktyŭnym sportam pry tempieratury vyšej za 25°S.
Pamiatajecie, što asablivaj ryzycy ŭ haračaje nadvorje padviarhajucca dzieci i pažyłyja ludzi.
Starajciesia zachoŭvać emacyjanalny spakoj, bo luboje pieraŭzbudžeńnie ŭzmacniaje ryzyku ŭźniknieńnia ciepłavoha abo soniečnaha ŭdaru.
Varta pa mahčymaści abmiežavać praciahłyja pajezdki na aŭtamabili, kali takoj mahčymaści niama, budźcie maksimalna ŭvažlivymi na darozie, bo padčas śpioki moža pahoršycca samaadčuvańnie, adbycca raśsiejvańnie ŭvahi i źnižeńnie reakcyi.
Adpačyvajučy ŭ haračyja dni la vadajoma taksama vykonvajcie praviły biaśpieki.
