Alaksandr Łukašenka pavinšavaŭ Andžeja Dudu z abrańniem na pasadu prezidenta Polščy.
Kiraŭnik dziaržavy «paćvierdziŭ zacikaŭlenaść u raźvićci poŭnamaštabnaha supracoŭnictva z Polščaj na pryncypach partniorstva i davieru», paviedamlaje pres-słužba prezidenta.
Łukašenka taksama vykazaŭ upeŭnienaść u tym, što dalejšaje raźvićcio biełaruska-polskich miždziaržaŭnych suviaziej, ekanamičnaha supracoŭnictva i ŭzajemadziejańnia ŭ inšych halinach «poŭnaściu adpaviadaje intaresam narodaŭ dźviuch krain i budzie sadziejničać umacavańniu družalubnych adnosin pamiž biełarusami i palakami, a taksama stabilnaści ŭ rehijonie».
Andžej Duda atrymaŭ pieramohu ŭ druhim tury prezidenckich vybaraŭ u Polščy 24 maja. Zhodna z aficyjnymi źviestkami polskaha vybarkama, paśla apracoŭki 100% biuleteniaŭ Duda atrymaŭ 51,55% hałasoŭ, tady jak jaho sapiernik, dziejny prezident Branisłaŭ Kamaroŭski, — 48,45%. Jaŭka na prezidenckich vybarach skłała 55,34%.
Aficyjna Andžej Duda zojmie pasadu paśla inaŭhuracyi 6 žniŭnia — u hety dzień zavieršacca paŭnamoctvy Branisłava Kamaroŭskaha.