Jakaść školnaj adukacyi chvaluje mnohich biełarusaŭ, čyje dzieci vučacca ci źbirajucca pajści ŭ škołu. Najbolš prasunutyja baćki šukajuć novyja formy navučańnia i padychody da vychavańnia svaich dzietak.
Mienavita dla takich baćkoŭ dy ich dziaciej žurnalistka, maci dvuch synoŭ Hanna Trubačova stvaraje kamunikacyjna-adukacyjnuju płatformu pad nazvaj «Taranciny i syny».
Što chavajecca za doŭhaj nazvaj? Jak ni paradaksalna,
«Taranciny i syny» – heta svojeasablivaja «škoła» dla tych, chto ad škoły…admoviŭsia i zajmajecca pa indyvidualnym płanie («choŭmskulinh»).
Ideja aŭtaraŭ u tym, kab zacikavić dziaciej vučycca, dapamahčy znajści toje, što im padabajecca rabić, raźvivać inicyjatyŭnaść. U takoj škole dzieci zmohuć vybirać zaniatki, a zvykłych adznakaŭ, raskładaŭ, zvankoŭ zusim nie budzie.
Pa słovach aŭtaraŭ prajektu, jany nie stvarajuć štości novaje, a naadvarot, žadajuć viarnucca da časoŭ, kali nastaŭnik sapraŭdy byŭ Nastaŭnikam ź vialikaj litary.
Miarkujecca, što pieršyja zaniatki pačnucca ŭ studzieni 2016 hoda. Košt navučańnia za miesiac składzie 500 dalaraŭ u ekvivalencie, pry hetym pałova miescaŭ budzie lhotnaj.
Kamanda nastaŭnikaŭ užo jość, a hurtki dadatkovaj adukacyi buduć vieści viadomyja ludzi i prafiesijanały svajoj spravy, u tym liku aktrysa Hanna Chitryk, mastačka Nika Sandras dy inšyja. Budynak dla praviadzieńnia zaniatkaŭ taksama jość na prykmiecie. Zastałosia znajści inviestaraŭ – papiaredni biudžet prajekta składaje 1 miljon dołaraŭ.
U čaćvier 26 lutaha, a 17:00, u redakcyi «Našaj Nivy» aŭtarka idei adukacyjnaha prajektu Hanna Trubačova adkaža na pytańni žurnalistaŭ i čytačoŭ «Našaj Nivy».
Svaje pytańni pakidajcie, kali łaska, u kamientarach.
Pahladzieć adkazy na asobnyja pytańni intervju možna tut.
