Vadzim Minčuk ź Ivacevičaŭ, jaki maje 25 hadoŭ, luboŭ da Biełarusi ŭvasobiŭ u mastackich vyrabach. Na zavušnicach, kułonach, piarścionkach – vyjavy Paźniaka, Karatkieviča, Kaściuški, Kalinoŭskaha, bieł-čyrvona-bieły ściah, «Pahonia», biełaruski arnamient. Vyraby ŭpryhožańniaŭ na biełaruskuju tematyku małady čałaviek pastaviŭ na prafiesijnuju asnovu.
Moładź zacikaviłasia jahonymi vyrabami, stali zamaŭlać i nabyvać, kaža Vadzim Minčuk:
— Zaraz nazirajecca sapraŭdnaja chvala cikavaści da nacyjanalnaj tematyki, asabliva da arnamientaŭ. Najbolšaj papularnaściu karystajucca zavušnicy, kułony z tradycyjnymi biełaruskimi simvałami.
Vadzim Minčuk ličyć, što svaimi vyrabami jon rekłamuje biełaruskaść. I spadziajecca, što ciapierašniaja zacikaŭlenaść usim nacyjanalnym budzie pašyracca.
