Rasijski vajentorh «Vojenpro», akramia zvyčajnaha ryštunku, na chvali rasijskaha patryjatyzmu raspačaŭ prodaž i davoli dziŭnych tavaraŭ.
U kramie, akramia kopij isnujučaha miedala «Za viartańnie Kryma» možna nabyć i miedali «Za ŭziaćcie Kijeva», «Za ŭziaćcie Lvova», «Za vyzvaleńnie Adesy», «Udzielniku humanitarnaha kanvoju». Miedal kaštuje ŭsiaho 499 rasijskich rubloŭ (kala 8 dalaraŭ). Da miedala za možna nabyć uznaharodnaje paśviedčańnie, jakoje zapaŭniajecca samastojna.
«Vojenpro» taksama prapanuje i «Kalekcyju 2015 «Śviet Navarosii», jakaja «pryśviačajecca ŭsim terarystam Paŭdniovaha Uschoda». U kalekcyju ŭvachodziać bikini i kupalniki «DNR» i «Navarosija», roznyja aksesuary ź simvolikaj «DNR» i «Navarosii». Asobna varta vyłučyć rułony tualetnaj papiery, pafarbavanyja ŭ kolery ŭkrainskaha ściaha.
Na sajcie «Vojenpro» paviedamlajecca, što ŭ kramie pradstaŭleny asartymient unikalnych tavaraŭ, jakich nie znojdzieš u inšych miescach. Misija kramy zaklučajecca ŭ «papularyzacyja słužby va Uzbrojenych siłach RF i pracy ŭ ministerstvach, viedamstvach, śpiecsłužbach, raźvićcio nacyjanalnaj samaśviadomaści i honaru za historyju Rasii, prapahanda zdarovaha ładu žyćcia».
