Śledstva vyśviatlaje abstaviny śmierci maładoha čałavieka, trup jakoha byŭ znojdzieny na nasypu pad mostam praz raku. Chłopiec źbiraŭsia viarnucca paśla časovaha pražyvańnia ŭ Homieli na radzimu — u Rečycki rajon.
Trup 25-hadovaha chłopca byŭ znojdzieny 2 lutaha rybakom na stromkim schile pad mostam praz Sož. Zahinuły małady čałaviek ŭ 2014 hodzie źniaŭ kvateru ŭ abłasnym centry, uładkavaŭšysia tut na pracu, raspavioŭ staršy śledčy druhoha śledčaha adździaleńnia Siarhiej Kuźmiankoŭ. Paśla niekalkich spaźnieńniaŭ chłopca zvolnili, a ŭ lutym 2015 hoda jon byŭ vymušany źjechać sa zdymnaj kvatery, źbiraŭsia kančatkova viarnucca da baćkoŭ u viosku ŭ Rečyckim rajonie.
1 lutaha małady čałaviek pajechaŭ u Homiel, kab zabrać asabistyja rečy, jakija zastavalisia na zdymnaj kvatery i, pa słovach maci, źbiraŭsia ŭviečary viarnucca dadomu. Mabilnik chłopiec zhubiŭ u studzieni, i z tych časoŭ nie nabyŭ novy srodak suviazi.
Pobač ź ciełam zahinułaha byli znojdzienyja sumki z kuchonnym načyńniem. Śledstva vyśviatlaje abstaviny jaho hibieli i pryčyny taho, jak małady čałaviek moh apynucca na nasypu pad mastom. Treba budzie pravieści šerah ekśpiertyz, u tym liku, i na ŭtrymańnie ałkaholu ŭ kryvi.
