Jak paviedamiŭ načalnik adździaleńnia infarmacyi i hramadskich suviaziaŭ UUS Bresckaha abłvykankama Siarhiej Dučenka, a pieršaj hadzinie nočy 25 studzienia žycharka vioski Tury, jakaja ŭstała z łožka, kab pryniać leki, ubačyła vyrvany zaporny kručok uvachodnych dźviarej, a taksama nieviadomuju žančynu, jakaja pranikła ŭ dom. Złamyśnica z prymianieńniem hvałtu adkryta vykrała 4,8 młn rubloŭ, 20 jeŭra i 5 dołaraŭ ZŠA, jakija naležali 88-hadovaj piensijaniercy, paśla čaho ŭciakła.
Paciarpiełaja, jakaja pražyvaje ŭ domie adna, pazvaniła svajoj dačce, taja źviarnułasia ŭ milicyju.
25 studzienia supracoŭniki adździaleńnia kryminalnaha vyšuku Stolinskaha RAUS padčas praviadzieńnia apieratyŭna-vyšukovych mierapryjemstvaŭ ustanavili, što złačynstva ŭčyniła 25-hadovaja niepracujučaja žycharka Davyd-Haradka. Jaje zatrymali pa miescy žycharstva, vykradzienaje kanfiskavali.
Stolinskim rajonnym adździełam Śledčaha kamiteta raspačata sprava pa č. 2 art. 206 KK (rabavańnie).
Padazronaja źmieščana ŭ izalatar časovaha ŭtrymańnia. Praviarajecca jaje datyčnaść da ŭčynieńnia inšych złačynstvaŭ.